अङ्ग्रेजी नयाँ वर्षलाई स्वागत गर्न ठमेलमा आज सडक महोत्सव

चितवन –  अङ्ग्रेजी नयाँ वर्ष सन् २०२४ लाई स्वागत गर्नका लागि राजधानीको प्रमुख पर्यटकीय नगरी ठमेलमा आज न्यु इयर इभ ठमेल सडक महोत्सव गरिने भएको छ।

ठमेल पर्यटन विकास परिषद्को आयोजनामा आज साँझ ठमेलमा ‘सडक महोत्सव’ हुन लागेको हो। उपप्रधान एवं रक्षामन्त्री पूर्णबहादुर खड्काले आज साँझ साढे ५ बजे महोत्सवको उद्घाटन गर्ने कार्यक्रम रहेको छ ।

‘ठमेलमा जाऔँ, ठमेलमै बसौँ, ठमेलमै घुमौँ, ठमेलमै रमाऔँ’ भन्ने मूल नाराका साथ ठमेलस्थित सञ्चयकोष अगाडिको मुख्य सडकमा ठमेल सडक महोत्सव आयोजना गर्न लागेको हो । ठमेलमा आयोजना हुन लागेको सडक महोत्सवमा एक लाख ८० हजार व्यक्तिको सहभागिता रहने अनुमान गरिएको छ ।