आज देशका यी ठाउँमा हल्कादेखि मध्यम वर्षाको सम्भावना

चितवन –  काठमाण्डौ उपत्यकासहित देशका धेरै ठाउँमा मौसम बदली भएको छ । देशभर पश्चिमी वायु र कोशी, बागमती तथा गण्डकी प्रदेशका पहाडी भागमा स्थानीय वायुको आंशिक प्रभाव रहेको मौसम पूर्वानुमान महाशाखाले जनाएको छ ।

महाशाखाका अनुसार मधेसका साथै लुम्बिनी प्रदेशलगायत पहाडी भागमा आंशिकदेखि साधारणतया बदली रहेको छ । महाशाखाका अनुसार आज दिउँसो गण्डकी, कोशी, बागमती, कर्णाली र सुदूरपश्चिम प्रदेशका पहाडी भागका एक/दुई ठाउँमा हल्कादेखि मध्यम वर्षाको सम्भावना छ ।

यसैगरी आज राति पनि कोशी, गण्डकी र सुदुरपश्चिम प्रदेशका पहाडी भागका एक/दुई ठाउँमा हल्का वर्षाको सम्भावना छ । केही दिनयता काठमाण्डौ उपत्यकासहित देशका धेरै ठाउँमा चिसो बढेको छ ।