भरतपुरबाट ५० हजार रुपैयाँ बढी नगदसहित ११ जुवाडे पक्राउ

भरतपुर चितवन –  चितवन प्रहरीले भरतपुर महानगरपालिका–२८ गोलाघाटबाट ५० हजार रुपैयाँ बढी नगदसहित ११ जुवाडेलाई पक्राउ गरेको छ ।

गोलाघाटको अन्द्रौलीस्थित जंगबहादुर कुमालले सञ्चालन गरेको गोलाघाट वाइल्ड लाइफ रिसोर्टमा पैसाको बाजी थापी जुवा (कौडा) खेलिरहेका उनीहरुलाई शनिबार राति १ बजेको समयमा नगद ५० हजार ७३५ रुपैयाँ र एक सय भारतीय रुपैयाँसहित प्रहरीले पक्राउ गरेको हो ।

जुवाडेको साथबाट जुवा खेल्न प्रयोग भएको १७ थान कौडा र एक बुक तास पनि बरामद गरिएको जिल्ला प्रहरी कार्यालय चितवनका प्रवक्ता विजयराज पण्डितले जानकारी दिए ।