चितवन – नारायणगढ- मुग्लिन सडकखण्डको १७ किलोमा गएराति चारवटा गाडी एकैठाँउमा आपसमा ठक्कर खाँदा एक जनाको ज्यान गएको छ ।
गएराती भएको सो दुर्घटनामा २३ जना घाइते भएका छन् भने घाइतेमध्ये सात जनाको अवस्था गम्भीर रहेको चितवन प्रहरीले जनाएको छ ।
काठमाण्डौबाट प्युठानतर्फ जाँदै गरेको बा ४ ख ९०८६ नंम्बरको बस, नारायणगढदेखि मुग्लिनतर्फ आउँदै गरेको ना ३ ख ७९१५ नंम्बर को ट्रक, काठमाण्डौबाट महोत्तरी बर्दिवासतर्फ जाँदै गरेको ना ७ ख ३२४८ नंम्बरको बस र बिरगंञ्जबाट काठमाण्डौतर्फ आउँदै गरेको ना ६ ख ८९६८ नंम्बरको बस एकै ठाउँमा ठक्कर खाँदा सो दुर्घटना भएको हो ।
दुर्घटनामा चार वटै सवारी साधनका चालकसहित २३ जना घाईते भएका छन् । घाइतेहरुको नाम थर र वतन खुल्न सकेको छैन । घाईतेहरुमध्ये नाम थर वतन नखुलेका अन्दाजी १६–१७ वर्षका युवकको भरतपुर अस्पतालमा उपचारका मृत्यु भएको हो ।घाइतेहरु मध्ये १८ जनाको इच्छाकामना आधारभुत अस्पताल कुरिन्टारमा र चारजनाको नयाँ मेडिकल कलेज भरतपुरमा उपचार भइरहेको छ ।
